35. ത്രയംബകം

ആദ്യ ബെഞ്ചിലെ സതീഷനോട് AEO ചോദിച്ചു: –

• ത്രയംബകം വില്ല് * ആരാ ഒടിച്ചത്…?

വിങ്ങിപ്പൊട്ടിക്കൊണ്ട് അവൻ പറഞ്ഞു: – ഞാനല്ലാ… ഞാനല്ലാ … സാർ

അത് കേട്ട AEO ടീച്ചറുടെ മുഖത്ത് നോക്കി ചോദിച്ചു: – എന്താ ടീച്ചറെ ഇത്…?

ടീച്ചർ:- ഏയ്… അവൻ അങ്ങിനെ ചെയ്യില്ല സാർ… അവൻ നല്ല കുട്ടിയാ… അവനെ എനിക്കു നന്നായറിയാം…..

ദേഷ്യം വന്ന AEO, HM നെ വിളിച്ചു വരുത്തി:- എന്താണു ഹേ…. ത്രയംബകം വില്ലൊടിച്ചത് ആരാണെന്ന്, ഈ ക്ലാസിലെ കുട്ടികൾക്കും എന്തിന് ടീച്ചർക്കു പോലും അറിയില്ല…!!

HM :- അതു ഈ ക്ലാസുകാരാവില്ല സാർ… 6.B ക്ലാസുകാരാവും… അവര് അതും അതിലപ്പുറവും ചെയ്യും…

AEO സ്കൂൾ പൂട്ടാനുള്ള ഉത്തരവ് എഴുതി…

HM മാനേജറെ വിളിച്ചു…

മാനേജർ വന്നു…

AEO വിനോട്:- ദയവു ചെയ്ത് സ്കൂൾ പൂട്ടിക്കരുത് സാറേ… വില്ലിന്റെ കാശ് എത്രയാണെങ്കിലും ഞാൻ തരാം…!!!

(കുറിപ്പ്: സീതാ സ്വയംവരത്തിന് ആർക്കും പൊക്കാൻ പോലും സാധ്യമാകാതിരുന്ന വില്ല് ആണ് ‘ത്രയംബകം’. ശ്രീരാമൻ പ്രസ്തുത വില്ല് പൊക്കുക മാത്രമല്ല, വില്ലിൻ്റെ ഞാണ് കെട്ടുകയും ചെയ്തു. പിന്നീട് അമ്പ് എയ്യുവാൻ വളച്ചപ്പോൾ ആയത് ഒട്ടിഞ്ഞു പോകുകയാണ് ഉണ്ടായത്.)

• കടപ്പാട്-